"Нарны Зааг" ХХК

Манай компани анх 2002 онд байгуулагдаж, байгуулагдсан цагаасаа эхлэн барилгын их засварын ажлыг одоо хүртэл тасралтгүй 9 жил гүйцэтгэж ирсэн бөгөөд дээрх хугацаанд Улаанбаатар хот болон хөдөө орон нутагт нийт 10 гаруй барилага байгууламж тухайлбал: Хэнтий аймгийн Дархан сумын 8 ортой эмнэлэг, Төв аймаг дахь Мөнгөн морьт сумын “Мөнгөн агт” компаний жуулчны бааз, Улаанбаатар төмөр замын төв засварын газрын засал, цахилгаан, сантехникийн их засварын ажил, Мөн Японий “Мироку Айго Кай“ Нийгэмлэгийн төвийн барилга угсралтыг тус тус хийж гүйцэтгэсэн болно.

Бидний хамгийн сүүлд 2009 онд хийж гүйцэтгэсэн томоохон ажлуудаас дурдвал Өмнөговь аймгийн Цогтцэций суманд баригдсан Терминалын барилгын цахилгаан, холбоо дохиолол, дотор заслын ажил. Мөн “Скайтель” ХХК-ны оффисийн өргөтгөлийн барилгын гадна дотор цахилгаан хангамж, холбоо дохиолол, дотор заслын ажлуудыг хийж гүйцэтгэсэн болно. Одоо Хууль Зүйн яамны захиалгаар Холбоо Хяналт Мэдээллийн төв-ийн цахилгаан холбоо, дохиолол, дотор заслын ажлыг хийж гүйцэтгэж байгаа бөгөөд ажлын явц 80 хувьтай явж байна.

Захиалагч байгууллагуудаас манай компаний талаар ямар нэгэн санал гомдол, гологдол болон ажлын зөрчил, дутагдал гарч байгаагүй болно. Тус компани шинээр барьж ашиглалтанд оруулсан барилга байгууламж их засварын ажлыг барилгын норм,дүрэм стандартын дагуу чанарын өндөр түвшинд гүйцэтгэж ирсэн болно.

Тус компани одоо хүний нөөцийн хувьд удирдлага 3, санхүүгийн ажилтан 2, инженер техникийн ажилтан 6, мэргэжилтэй 20 гаран ажиллагсадтай бөгөөд нийт инженер техникийн ажилчдын 30 гаруй хувь нь мэргэжлээрээ 3-25 жил ажилласан, дадлага туршлагатай ажилчид болно.